بسم الله الرحمن الرحيم
-----------------
بصراحي هيي مقولة بيقولها الختايرة كنت سمعتها مرة من زمان من لما كنت طالبة بكالوريا كان أستاذ عم يعلم طالب بآخر فترة الإمتحان وهالطالب ماعم يستوعب ففي رجال ختيار قلو للأستاذ يا ابني العليق عند السباق مابينفع
بمعنى متل الخيول اللي رح تعمل سباق البعض منهابيعتنو فيه عمدار السنة وبيغذوها وبيدربوها وقسم منها بيتركوها أصحابها لآخر الفترة اللي بتسبق موعد السباق بشوي وبيصيروا يطعموها ويحشوها أكل وهاد مارح ينفع رح تخسر السباق لأنه مابتسوعب بهالطريقة ومارح تحقق النتيجة المرجوة
من فترة اتصلوا معي مشان طالب بدو يسجل دورة سألت كيف مستواه قال صفر طيب ليش لهلا لكن الامتحان باقيلو شهر وشوي معقول لهلا ناطر ليحسن مستواه مارح يستفيد شي لو سجلتوه بلشو الأهل يترجوني وكأنه مصيرهم معلق فيني ماقدرت فهمن ولا اشرحلن ولا ووصللهم فكرتي انو العليق عند السباق مابينفع أنه لأ ياأخي نحنا بدنا نجرب طيب جربيه وقديش مو سهلة التجربة
طيب وشو الحل إذا لا الطالب عم يعرف مصلحتو من بداية السنة يجتهد ولا الأهل عم يقدرو يفهموا هالقاعدة ويتعاونوا معها مع أبناءهم
بانتظار المشاركة ودمتم بخير وحب وابتسامة :)